روحي تِفداك.. مِن وِدِّي
أنا غيرَ اهْواك.. ما عندي
لو شُوفك يوم.. يا طه
عيوني لولاك.. ما بَدِّي
..
يا طه الزين.. اتمنَّى
تشوفك العين.. واتهنَّى
لمَّا بجمالك.. اتغنَّى
عن قلبي بتزول الشِّدِّة
..
قلبي مشغوف.. كرمالك
لو عيني تشوف.. احوالك
أنا يا هادينا بجمالك
عايش ملهوف.. ما بيَدِّي
..
حاشا أنساك.. لو مَرَّة
العيشه ويَّاك.. مَسَرَّة
والدِّنيِ بدونك شو مُرَّة
أنا يوم القاك.. يا سعدي
نورك محبوب.. يا غالي
عَتمِةْ الِدروب.. ضوَّالي
يا فرح قلوب.. على بالي
على رمشي تمشي وعلى خدي
* وصلَّى الله وسلَّم على سيِّدنا مُحمَّد وعلى آله وصحبه (في المرفق: صورة تاريخيَّة للمسجد النَّبويِّ في المدينة المُنوَّرة).
Jan 06, 2022 6:49:04pm


اترك تعليقاً